ගල්කිස්ස පොලිස් කොට්ඨාසයට අනුයුක්තව සේවය කරන පොලිස් නිලධාරිනියක විසින් වයස අවුරුදු 14ක බාලවයස්කාර පිරිමි දරුවෙකු සමඟ ලිංගික ඇසුරක් පැවැත්වූ බවට එල්ල වූ චෝදනාවක් මත පුළුල් විමර්ශනයක් ආරම්භ කර තිබේ. මෙම නිලධාරිනිය විසින් අදාළ දරුවා අවස්ථා කිහිපයකදීම අපයෝජනයට ලක් කර ඇති බවට මූලික විමර්ශන මගින් කරුණු අනාවරණය වී ඇත.
කොළඹ ළමා හා කාන්තා කාර්යාංශයේ නිලධාරීන් විසින් මේ සම්බන්ධයෙන් වන වැඩිදුර විමර්ශන කටයුතු මේ වන විටත් ක්රියාත්මක කරනු ලබයි. පොලිස් නිලධාරිනියක මෙවැනි බරපතල අපරාධ චෝදනාවකට ලක්වීම සම්බන්ධයෙන් දැඩි අවධානයක් යොමුව ඇති අතර, නීතිය ක්රියාත්මක කිරීමේ බලධාරීන් පවසන්නේ කිසිදු පක්ෂග්රාහීත්වයකින් තොරව නිසි විමර්ශන සිදු කරන බවයි.
නීතියේ ආධිපත්යය ආරක්ෂා කිරීමට බැඳී සිටින නිලධාරීන් මෙවැනි කටයුතුවල නිරත වීම සමාජයේ දැඩි කතාබහට ලක්වී තිබේ. මීට පෙරද විවිධ අපරාධ සහ වංචා සම්බන්ධයෙන් පොලිස් නිලධාරීන් සම්බන්ධ වූ සිදුවීම් වාර්තා වී ඇති නමුත්, බාලවයස්කාර දරුවෙකු සම්බන්ධ මෙම සිද්ධිය සුවිශේෂී බරපතලකමක් ගනී.