සමාජ මාධ්ය පරිශීලකයන් අතර ඉතාමත් ජනප්රිය වූ, දැකපු සැනින් සිතට සැනසීමක් ගෙන දුන් ඉරණවිල ප්රදේශයේ පිහිටි ඒ සුන්දර පිරිසිදු වැලි මිදුල ඔබට මතක ඇති.
බොහෝ දෙනෙකුගේ පැසසුමට ලක්වූ ඒ සුන්දර මිදුල අතුගාමින් ඉතාමත් පිළිවෙළකට තබාගත් ඒ ආදරණීය මව මෙලොව හැර ගොස් ඇති බව වාර්තා වනවා.
ඉතාමත් චාම්, ගැමි සිරියාවෙන් පිරි ඒ නිවසත්, ඇසට ප්රිය වූ වැලි මිදුලත් කාලයක් තිස්සේම අන්තර්ජාලය තුළ ඡායාරූප මගින් ප්රසිද්ධ වී තිබුණා. එම මිදුලේ ලස්සනට වඩා ඒ පිටුපස තිබූ ඇයගේ අප්රතිහත ධෛර්යය සහ පිරිසිදුකම බොහෝ දෙනෙකුට ආදර්ශයක් වුණා.
ඇයගේ අභාවයත් සමඟ එම සුන්දර මිදුල යළිත් පෙර පරිදි දැක ගැනීමට නොලැබෙනු ඇති බව පවසමින් බොහෝ දෙනා සමාජ මාධ්ය ඔස්සේ සිය ශෝකය පළ කර සිටිනවා.
“ඉරණවිල ඒ ලස්සන මිදුලේ ලස්සන ආයේ කවදාවත් බලාගන්න බැරි වේවි.. ඇය යන්නම ගිහින්” යනුවෙන් සටහන් කරමින් බොහෝ දෙනා ඇයට නිවන් සුව ප්රාර්ථනා කර තිබුණා.
ඇය අපට කියා දුන් පාඩම් කිහිපයක්,
කඩිසරකම- වයස කියන්නේ ඉලක්කමක් විතරක් බව ඇය ඇගේ ක්රියාවෙන් ඔප්පු කළා.
පිරිසිදුකම - සරලව ජීවත් වෙමින් තමන් අවට පරිසරය ලස්සනට තබාගන්නා හැටි ඇය අපට කියා දුන්නා.
කලාත්මක බව: කිසිම හදාරීමක් නැතිව ඇය වැලි මත මැවූ රටා ඇත්තටම විස්මිතයි.
අදින් පසු ඒ ලස්සන මිදුල ආයේ කවදාවත් දකින්න ලැබෙන්නේ නැහැ. ඒත් ඇය මැවූ ඒ සොඳුරු මතකයන් හැමදාමත් අපේ හිත්වල රැඳේවි.
ඉරණවිල ගමටත්, මුළු ලංකාවටම ආඩම්බරයක් වූ මේ සොඳුරු මිත්තණියට අජරාමර නිවන් සුව අත්වේවා!