රාජගිරිය, නාවල ශ්රී සද්ධර්මරාජික රජමහා විහාරස්ථානය ඇතුළෙන් අද පස්වරුවේ ඇසුණු ඒ තනි වෙඩි ශබ්දයත් එක්ක මුළු රටම ආයෙත් වතාවක් කැළඹිලා ගියා.
පූජ්ය ගලගොඩඅත්තේ ඥානසාර හිමියන්ගේ පුද්ගලික ආරක්ෂාවට යොදවා සිටි 36 හැවිරිදි පොලිස් නිලධාරියා සිය රාජකාරී ගිනි අවියෙන්ම වෙඩි තබාගෙන ජීවිතක්ෂයට පත්වීම පිටුපස ඇත්තේ සාමාන්ය සියදිවි නසාගැනීමක්ද, එහෙමත් නැත්නම් ඊට එහා ගිය සැකකටයුතු සිදුවීමක්ද යන්න ගැන දැන් සමාජ මාධ්ය පුරා දැඩි කතාබහක් නිර්මාණය වී තිබෙනවා.
පොලිසිය කියන විදිහට නම් මේ නිලධාරියා පසුගිය දින කිහිපය පුරාම යම් රෝගී තත්ත්වයකින් පෙළෙමින් සිට ඇති අතර, ඒ හේතුවෙන් ඇතිවූ මානසික පීඩනය මත මෙම පියවර ගන්නට ඇති බවටයි සැක පළ කරන්නේ.
නමුත් ප්රශ්නය තියෙන්නේ මෙතැනයි, යම් නිලධාරියෙක් අසනීප තත්ත්වයෙන් පසුවුණා නම්, ජීව උණ්ඩ සහිත ගිනි අවියක් එක්ක මෙච්චර වගකීම් සහගත ආරක්ෂක රාජකාරියක ඔහුව තබාගත්තේ ඇයි?
රටේම අවධානයට ලක්වූ, නිතරම ආන්දෝලනාත්මක පුවත් මවන ප්රමුඛ පෙළේ හිමිනමකගේ නිල වාසස්ථානයක් ඇතුළතදීම මෙවැනි දෙයක් සිදුවීම පිටුපස යම් අභිරහසක් තිබේද යන්න ගැන බොහෝ දෙනා ප්රශ්න කරනවා.
සිද්ධිය සැලවූ සැනින් මූලික විමර්ශන ආරම්භ කළත්, පසුව මෙම විමර්ශන කටයුතු වැලිකඩ පොලිසිය වෙත බාර දී තිබෙනවා.
පොලිස් මාධ්ය ප්රකාශකවරයා සඳහන් කළේ සිද්ධිය සම්බන්ධයෙන් පුළුල් පරීක්ෂණයක් ක්රියාත්මක වන බවයි.
නමුත් තවමත් මෙම සිදුවීම සම්බන්ධයෙන් මතු වන ගැටලු කිහිපයකටම පැහැදිලි පිළිතුරු ලැබී නැහැ...
⚠️- වෙඩි තබාගන්නා අවස්ථාවේදී පන්සල තුළ සිටියේ කවුද?
⚠️- මියගිය නිලධාරියා අවසන් වරට දුරකථනයෙන් කතා කළේ කාටද?
⚠️- පශ්චාත් මරණ පරීක්ෂණයේදී සහ වෛද්ය වාර්තාවලදී හෙළිවන තොරතුරු මොනවාද?
තවමත් මෙම මරණය සම්බන්ධයෙන් අවසන් නිගමනයකට පැමිණ නොමැති අතර, මහේස්ත්රාත් පරීක්ෂණයෙන් සහ බැලස්ටික් (ගිනි අවි) වාර්තාවලින් පසුව සැබෑ තොරතුරු හෙළිවනු ඇතැයි බලධාරීන් පවසනවා.