ඇමරිකාව සහ ඉරානය අතර පැවැති සාම සාකච්ඡා එකඟතාවයකින් තොරව අවසන් වීමත් සමඟ අද (13) ලෝක වෙළඳපොළේ ඩොලරයේ අගය සහ බොරතෙල් මිල ශීඝ්රයෙන් ඉහළ ගොස් තිබේ. සාකච්ඡා බිඳ වැටීම නිසා දැනට පවතින දුර්වල සටන් විරාමය තවදුරටත් අනතුරේ පවතින බවත් මධ්යම පෙරදිග බලශක්ති අපනයනය අඩාල වනු ඇති බවත් ආයෝජකයෝ පවසති. ඒ අනුව බ්රෙන්ට් (Brent) බොරතෙල් මිල 8% කින් ඉහළ ගොස් බැරලයක් ඩොලර් 103 සීමාව ඉක්මවා ගිය අතර යුරෝව ඇතුළු අනෙකුත් මුදල් ඒකකවල අගය පහත වැටී ඇත.
පාකිස්ථානයේ පැවැති සාකච්ඡා නිමාවීමත් සමඟ ඇමරිකාව විසින් ඉරාන වරායන් වෙත නාවික අවහිරතා පැනවීමට තීරණය කිරීම මෙම වෙළඳපොළ අස්ථාවරත්වයට ප්රධාන හේතුව වී තිබේ. හෝමුස් සමුද්ර සන්ධිය හරහා සිදුවන ඉරාන තෙල් අපනයනය සම්ූර්ණයෙන්ම නැවැත්වීම හෝ ඒ සඳහා වන බදු පාලනය කිරීම ඇමරිකාවේ අරමුණයි. මේ අතර ජනාධිපති ට්රම්ප් සහ ඔහුගේ උපදේශකයින් ඉරානයට එරෙහිව සීමිත ප්රහාර එල්ල කිරීමේ හැකියාව පිළිබඳව ද සලකා බලමින් සිටින බව වෝල් ස්ට්රීට් ජර්නල් පුවත්පත වාර්තා කර ඇත.
ඉහළ යන උද්ධමනය හේතුවෙන් ලොව ප්රධාන මහ බැංකු විසින් පොලී අනුපාත ඉහළ නැංවීමට කටයුතු කරනු ඇතැයි ආයෝජකයෝ අපේක්ෂා කරති. කෙසේ වෙතත් හංගේරියාවේ මැතිවරණයෙන් වික්ටර් ඕර්බන් පරාජය වීමත් සමඟ එරට මුදල් ඒකකය වන ෆොරින්ට් (Forint) අගය කැපී පෙනෙන ලෙස ඉහළ ගොස් තිබේ. ඇමරිකානු ජනාධිපති ට්රම්ප් ප්රකාශ කර ඇත්තේ එළඹෙන නොවැම්බර් මාසයේ පැවැත්වෙන අතුරු මැතිවරණය දක්වාම ඉන්ධන සහ ගෑස් මිල ඉහළ මට්ටමක පැවතිය හැකි බවයි.