ශ්රී ලංකා ක්රිකට් පාලක මණ්ඩලයේ වත්මන් නිලධාරී මඩුල්ල ලබන අඟහරුවාදා වන විට සිය තනතුරුවලින් ඉල්ලා අස්වීමට නියමිත බව රජයේ අභ්යන්තර ආරංචි මාර්ග සඳහොත් කරයි.
මේ සම්බන්ධයෙන් පැවැත්වෙන තීරණාත්මක සාකච්ඡාවකින් අනතුරුව මෙම ඉල්ලා අස්වීම් පිළිබඳ නිල නිවේදනය නිකුත් කිරීමට නියමිතව ඇත.
වත්මන් සභාපති ෂම්මි සිල්වා මහතා ඇතුළු පාලක මණ්ඩලය ඉල්ලා අස්වීමෙන් පසු, ක්රිකට් පරිපාලන කටයුතු මෙහෙයවීම සඳහා නව අතුරු පාලක කමිටුවක් පත් කිරීමට රජය සූදානම් වන බව වාර්තා වේ.
එම අතුරු කමිටුව සඳහා ශ්රී ලංකා ප්රවීණ හිටපු ක්රිකට් ක්රීඩකයින් වන සිදත් වෙත්තමුණි සහ රොෂාන් මහානාම යන මහත්වරුන්ගේ නම් මේ වන විටත් යෝජනා වී තිබේ.
ක්රිකට් පරිපාලනයේ විනිවිදභාවය සහ ඉදිරි උපායමාර්ගික වෙනස්කම් ඇති කිරීමේ අරමුණින් මෙම පියවර ගන්නා බව පෙනී යන අතර, මෙම පරිපාලනමය වෙනස ශ්රී ලංකා ක්රිකට් ක්රීඩාවේ අනාගතය කෙරෙහි තීරණාත්මක බලපෑමක් එල්ල කරනු ඇතැයි ක්රීඩා විචාරකයෝ විශ්වාස කරති.