මතකද Walking Dead වගේ කතා මාලා ? නැත්නම් "The Last of Us" වගේ කතා? ඒ හැම එකකම තිබුණේ විනාශ වෙලා ගිය ලෝකයක්. හැබැයි අපි කවදාවත් හිතුවේ නැහැ ඒ වගේ දේකට අපිට ඇත්තටම මුහුණ දෙන්න වෙයි කියලා. ඒත් අද තියෙන භූ-දේශපාලනික තත්ත්වය එක්ක, "තුන්වන ලෝක යුද්ධය" කියන වචනය නිකම්ම නිකන් වචනයක් නෙවෙයි, ඕනෑම මොහොතක ඇත්ත වෙන්න පුළුවන් බියකරු සිහිනයක්.
හිතන්න, එක උදෑසනක ඔබ නැගිටින්නේ කුරුල්ලන්ගේ සින්දු අහන්න නෙවෙයි, දුරකථනයට එන නොනවත්වා වදින Emergency Alert ශබ්දයට කියලා. රූපවාහිනිය දැම්මම හැම චැනල් එකකම වැටෙන්නේ World War III Declared කියන පුවත නම්... ඔබ මොකද කරන්නේ?
අපි මේ ගැන ටිකක් ගැඹුරින්, නිර්මාණාත්මකව සහ ප්රායෝගිකව කතා කරමු.
🧠යුද්ධයක් ප්රකාශ කරපු ගමන් මිනිස්සු කරන පළමු දේ තමයි කලබල වෙලා පාරට බහින එක. හැබැයි මතක තියාගන්න, කලබලය කියන්නේ මරණ වරෙන්තුවක්.
පළමු පියවර ඔබ ඉන්න තැන සුරක්ෂිතද බලන්න. නගරයක මැද නම් ඉන්නේ, හැකි ඉක්මනින් ජනාකීර්ණ නොවන ප්රදේශයකට යන්න සැලසුම් කරන්න.
විශ්වාසවන්ත පුවත් සේවයක් පමණක් අනුගමනය කරන්න. සමාජ මාධ්යවල යන හැම Fake News එකක්ම විශ්වාස කරලා කලබල වෙලා දුවන්න එපා.
🎒 ලෝක යුද්ධයක් කියන්නේ සුපිරි වෙළඳසැල් වහන, විදුලිය විසන්ධි වෙන, ඉන්ධන නැති වෙන කාලයක්. ඔබට තනියම ජීවත් වෙන්න සිද්ධ වෙනවා.
මාස කිහිපයකට සෑහෙන ටින් කෑම, වියළි ආහාර සහ පිරිසිදු වතුර එක් රැස් කරගන්න..
සූර්ය බලශක්තියෙන් වැඩ කරන ලාම්පු, පවර් බෑන්ක් සහ බැටරි රේඩියෝවක් අනිවාර්යයි.. මොකද අන්තර්ජාලය බිඳ වැටුණොත් ලෝකයේ තොරතුරු දැනගන්න තියෙන එකම ක්රමය රේඩියෝව විතරයි..
නිවසේ නිතර පාවිච්චි කරන බෙහෙත් සහ ප්රථමාධාර කට්ටලයක් අතේ දුරින් තියාගන්න.
අපි අද ඉන්නේ ෆේස්බුක්, ඉන්ස්ටග්රෑම් නැතුව විනාඩියක් ඉන්න බැරි ලෝකයක. හැබැයි ලෝක යුද්ධයකදී සයිබර් ප්රහාර නිසා මුලින්ම නැති වෙන්නේ ඉන්ටර්නෙට්..
Google Maps වැඩ කරන්නේ නැති වෙයි. ඒ නිසා ඔබේ ප්රදේශයේ සහ රටේ මුද්රිත සිතියමක් ළඟ තබාගන්න.
බැංකු පද්ධති අක්රිය වෙන්න පුළුවන්. ඒ නිසා යම් ප්රමාණයක මුදල් සහ රත්තරන් වැනි වටිනා දෙයක් ළඟ තබාගැනීම වැදගත්.
🤝 යුද්ධයකදී තනිවම දුවන මිනිහට වඩා, කණ්ඩායමක් එක්ක ඉන්න මිනිහා ආරක්ෂිතයි. ඔබේ පවුලේ අය, අසල්වැසියන් එක්ක එකතු වෙන්න.
පවුලේ අය විසිරී ගියොත් හමුවන ස්ථානයක් කලින්ම තීරණය කරගන්න..
එකිනෙකාට උදව් කරගන්න. "මම" වෙනුවට "අපි" කියන හැඟීම ඇති කරගන්න. මිනිස්කම අමතක කරන්න එපා.
අපි ඉන්නේ දූපතක. මහා බලවතුන් ගහගන්නකොට අපිට කෙලින්ම යුද්ධයට යන්න වෙන්නේ නැහැ හැබැයි යුද්ධය නිසා එන ආර්ථික සහ සාගර බලපෑම්වලට මුහුණ දෙන්න සිද්ධ වෙනවා..
පුළුවන් හැම බිම් අඟලකම මොනවා හරි කෑමට ගත හැකි දෙයක් වගා කරන්න. (මේක යුද්ධය පටන් ගත්තම කරලා වැඩක් නැහැ දැන්ම පටන් ගන්න) මොකද ලෝක යුද්ධය ආරම්භ වුනොත් ආහාර හිඟය තමයි ලොකුම සතුරා වෙන්නේ.. තියෙන සම්පත් උපරිම අරපිරිමැස්මෙන් පාවිච්චි කරන්න පුරුදු වෙන්න.
න්යෂ්ටික යුද්ධයකදී ලංකාව තුළ ආරක්ෂිතම ප්රදේශය තීරණය වෙන්නේ කරුණු තුනක් මත සුළඟේ දිශාව (Wind Patterns), මුහුදු මට්ටමේ සිට උස, සහ ජනාකීර්ණ බව.
ඉන්දියාව වැනි අසල්වැසි රටකට ප්රහාරයක් එල්ල වුවහොත්, විකිරණශීලී වළාකුළු (Radioactive Plumes) මුලින්ම එන්නේ අපේ උතුරු සහ වයඹදිග වෙරළ තීරයටයි. ඒ නිසා ආරක්ෂා වෙන්න නම් අපි යන්න ඕනේ ඒ දිශාවට ප්රතිවිරුද්ධ පැත්තට.
ලංකාවේ සිතියම ගත්තොත් වඩාත්ම ආරක්ෂිත කලාප ලෙස මේවා හඳුන්වන්න පුළුවන්
මධ්යම කඳුකරයේ ආරක්ෂිත නිම්න - නුවරඑළිය, බණ්ඩාරවෙල, සහ ඇල්ල වැනි ප්රදේශ මේ සඳහා ඉතාමත් සුදුසුයි.
කඳු පන්ති ස්වභාවික පවුරක් (Natural Shield) වගේ ක්රියා කරනවා. පහත් බිම්වලින් එන විකිරණශීලී වායු ධාරා කඳු මුදුන්වලින් එහාට ගලා යාම පමා වෙනවා. මේ ප්රදේශවල ස්වභාවික ජල උල්පත් බහුලයි. ළිං වතුරට වඩා කඳු මුදුන්වලින් එන උල්පත් ජලය විකිරණවලින් දූෂණය වීමේ සම්භාවිතාව අඩුයි.
ගිනිකොණදිග සහ දකුණු අභ්යන්තර ප්රදේශ - මොණරාගල, බිබිල වැනි ප්රදේශ මෙහිදී වැදගත් වෙනවා.
මොරවක, දෙනියාය සහ හිංදුම
මේ ප්රදේශ පිහිටලා තියෙන්නේ කඳුකරයට මායිම්ව. සිංහරාජ වනාන්තරයට ආසන්න නිසාත්, මුහුදු මට්ටමේ සිට උසින් පිහිටි නිසාත් විකිරණ අවදානම්වලින් මේ ප්රදේශ ආරක්ෂා වෙනවා.
ලංකාවට උතුරින් (ඉන්දියාව පැත්තෙන්) විකිරණ එනවා නම්, දකුණු පළාතේ අභ්යන්තර ප්රදේශවලට ඒ වළාකුළු එන්න වැඩි වෙලාවක් යනවා. එතකොට ඔබට සූදානම් වෙන්න කාලය ලැබෙනවා.
දකුණේ මිනිස්සුන්ට වගා කිරීමේ හැකියාව සහ ස්වභාවික සම්පත් (පොල්, කුරුඳු, වී) බහුල නිසා සාගතයකදී බඩගින්නේ මැරෙන්න තියෙන ඉඩකඩ අඩුයි.
අකුරැස්ස සහ ඇල්පිටිය අභ්යන්තරය- මේ ප්රදේශවල ස්වභාවික ජල මූලාශ්ර සහ වගා බිම් බහුල නිසා "Survival" පැත්තෙන් ඉතාමත් ඉහළයි.
හැබැයි මේ හැම තනකටම වඩා ආරක්ෂා කාරී ස්ථානයක් ලංකාවේ තියෙනවා ඒ තමයි සිරිපා අඩවිය.. සිරිපා අඩවිය ආරක්ෂිත වෙන්න ප්රධාන හේතු කිහිපයක් තියෙනවා
සිරිපා කන්ද සහ ඒ අවට ප්රදේශය මුහුදු මට්ටමේ සිට මීටර් 2,200කට වඩා උසයි. විකිරණශීලී දූවිලි සාමාන්යයෙන් බර වැඩියි. ඒවා මුලින්ම තැන්පත් වෙන්නේ පහත් බිම්වල සහ වෙරළාසන්න ප්රදේශවල. ඉහළ කඳුකරයට මේවා ළඟා වීමේ වේගය ඉතා අඩුයි. යුද්ධයකදී පහළ ප්රදේශවල ගංගා සහ ළිං විකිරණවලින් හෝ රසායනික ද්රව්යවලින් දූෂණය වීමේ අවස්ථාව වැඩියි. නමුත් සිරිපා අඩවියේ පර්වත අතරින් එන ස්වභාවික උල්පත් ජලය ලංකාවේ තියෙන පිරිසිදුම සහ ආරක්ෂිතම ජලය බවට පත් වෙනවා.
සිරිපා අඩවිය කියන්නේ ඉතා ඝන වනාන්තරයක්. ඝන වනාන්තරවල තියෙන ගස් මගින් වාතයේ තියෙන අංශු පෙරීමකට ලක් කරනවා. ඕනෑම යුදමය කලබලයකදී හෝ සිවිල් අසහනයකදී ජනාකීර්ණ නගරවලින් බැහැරව ආරක්ෂිතව සැඟවී සිටීමට මේ පරිසරය උදව් වෙනවා.
හැබැයි මෙන්න මේ අභියෝග තියෙනවා.. න්යෂ්ටික ශීත කාලයකදී ඒ කියන්නේ Nuclear Winter එකකදී මේ ප්රදේශයේ උෂ්ණත්වය සෘණ අගයන් දක්වා පහත වැටෙන්න පුළුවන්. ඒ නිසා දැඩි සීතලට ඔරොත්තු දෙන ඇඳුම් සහ ක්රමවේද තියෙන්න ඕන, සිරිපා අඩවිය වගේ කඳුකර ප්රදේශවල වී වගාව වැනි දේ කිරීම අපහසුයි. ඔබට යැපෙන්න වෙන්නේ අල වර්ග හෝ ගබඩා කරගත් ආහාර මත,
අපේ මුතුන් මිත්තන් සිරිපා අඩවිය 'පින් බිමක්' විදිහට හැඳින්වූවේ නිකම්ම නෙවෙයි. ලෝක විනාශයකදී වුණත් අපේ රටේ මිනිස්සුන්ට ජීවය දෙන්න පුළුවන් ස්වභාවික ආරක්ෂක මධ්යස්ථානයක් තමයි මේ මධ්යම කඳුකරය. හැබැයි එතැනට යන්න කලින් අපි කෑම සහ සීතලට ඔරොත්තු දෙන විදිහ ගැන අනිවාර්යයෙන්ම හිතන්න ඕනේ.
තුන්වන ලෝක යුද්ධයක් කියන්නේ ජයග්රාහකයෝ නැති, පරාජිතයෝ විතරක් ඉතිරි වෙන සෙල්ලමක්. අයින්ස්ටයින් දවසක් කිව්වා, "තුන්වන ලෝක යුද්ධය කුමන ආයුධවලින් කරාවිද කියලා මම දන්නේ නැහැ, නමුත් හතරවන ලෝක යුද්ධය මිනිසුන් කරන්නේ ගල් සහ පොලුවලින්" කියලා. ඒ කියන්නේ තුන්වන ලෝක යුද්ධය කියන්නේ මුළු ශිෂ්ටාචාරයේම අවසානය වෙන්න පුළුවන්..
අපි ප්රාර්ථනා කරමු එවැනි දවසක් කවදාවත් උදා නොවන්න කියලා. හැබැයි, සූදානම කියන්නේ බය වීම නෙවෙයි, බුද්ධිමත් වීමයි. හැබැයි මේ තියෙන තත්වය එක්ක ලෝක යුද්ධයක් ඇති වීමට තියෙන සම්භාවිතාව ඉතාම අඩුයි, ඒ නිසා අපිට බය වෙන්න හේතුවක් නැහැ, වත්මන් රජත් මේ පවතින තත්වයට හොඳින් මුහුණ දෙනවා කියලා පෙන්න තියෙනවා,
අපි මේ දේවල් කිව්වේ ඔයාලගේ දැනුවත් වීමට විතරයි, ඒ වගේම ලෝකයේ ධනවත් රටවල් පවා ලෝක යුද්ධයක් වුනොත් සාමාන්ය ජනතාවට සුදානම් වෙන්න ඕන විදිය ගැන කලින්ම දැනුම් දීලා තියෙනවා, එහෙම දැනුවත් වෙලා හිටියම වෙන්න පුළුවන් හානිය අවම කරගන්නන පුළුවන්, ඉතින් ඉදිරියේදී වෙන්න පුළුවන් දේවල් ගැන ඔබ හිතන්නේ මොකක්ද? ඇත්තටම යුද්ධයක් ආවොත් ඔබ මුලින්ම කරන්නේ මොකක්ද?
