2026 ජනවාරි 25 වන අද දවස ඔබ මොන තරම් සැලසුම් කළත්, තරු පන්තියෙන් ලැබෙන මේ ආරංචි ගැන සැලකිලිමත් වුණේ නැත්නම් ඔබේ වැඩ කටයුතු අවුල් වෙන්න පුළුවන්.
අද දවසේ ඉර උදාව පෙ.ව. 06.29 ට සිදු වූ අතර, ඉර බැසීම ප.ව. 06.17 ට සිදු වීමට නියමිතයි. අද දවසේ ඔබ වඩාත්ම පරෙස්සම් විය යුතු කාලය වන්නේ සවස් කාලයයි. අද රාහු කාලය: සවස 04.48 සිට 06.16 දක්වා.
මේ කාලය තුළ අලුත් වැඩ පටන් ගැනීම, වැදගත් මුදල් ගනුදෙනු කිරීම හෝ ගමන් බිමන් ආරම්භ කිරීමෙන් වළකින්න කියලා ජ්යොතිර්වේදීන් උපදෙස් දෙනවා. මොකද මේ කාලය තුළ කරන වැඩ කටයුතු සාර්ථක වීමට තියෙන ඉඩකඩ හරිම අඩුයි.
ඔබ අද මොනවා හරි වැදගත් ගමනක් යනවා නම් හෝ සුබ වැඩක් ආරම්භ කරනවා නම් "දකුණ" දිශාව බලා ඒ කටයුතු ආරම්භ කිරීමෙන් වැඩි ජයග්රහණයක් අත් කරගන්න පුළුවන්.
අද දවසේ ලග්න පලාඵල විස්තරය
මේෂ
අද දිනයේ ඔබේ සිතේ යම් රහසිගත ස්වභාවයක් මතු විය හැකියි. පෞද්ගලික කරුණු අන් අය සමඟ බෙදාගැනීමේදී සැලකිලිමත් වන්න. පවතින සුළු ගැටලු කිහිපයක් දුරදිග යාමට ඉඩ ඇති බැවින් ඉවසීමෙන් කටයුතු කිරීම වැදගත් වේ. වෙනදාට වඩා වැඩි ශාරීරික වෙහෙසක් දරා වැඩ කිරීමට සිදු වුවද, දවසේ අවසානයේ එහි ප්රතිඵල ලැබෙනු ඇත.
වෘෂභ
ඉගෙනීමේ කටයුතුවල නිරත වන අයට ඉතා සුබ දවසකි. ඔබේ සහජ දක්ෂතා ඉස්මතු වේ. පරාර්ථකාමී සිතුවිලි ඇති වන අතර, අසරණ අයෙකුට පිහිට වීමට අවස්ථාව සැලසේ. සමාජ සත්කාරක කටයුතුවලින් සිතට සැනසීමක් ලැබේ.
මිථුන
ලද දෙයින් සතුටු විය හැකි මානසික මට්ටමක් අද පවතී. සමාජය තුළ කැපී පෙනෙන චරිතයක් බවට පත්වන ලකුණු පෙනේ. සමාජයේ ප්රභූ පුද්ගලයන් හෝ ඉහළ නිලධාරීන් ඇසුරු කිරීමටත්, ඔවුන්ගෙන් උදව් උපකාර ලබා ගැනීමටත් අද දිනයේ අවස්ථාව උදා වේ.
කටක
අධ්යාත්මික සුවය කෙරෙහි වැඩි නැඹුරුවක් දක්වන දිනයකි. ආගමික වතාවත්වල නිරත වීමට කාලය වෙන් කරයි. ව්යාපාර හෝ මූල්ය කටයුතුවලදී සුළු අලාභ හානි සිදුවීමට ඉඩක් පැවතියද, ඔබේ බුද්ධිමත් තීරණ නිසා ඒවා මඟහරවා ගැනීමට හෝ අවම කර ගැනීමට හැකියාව ලැබේ.
සිංහ
නව සබඳතා ගොඩනැඟෙන දිනයකි. සමාජීය කටයුතුවලදී නව හිතවතුන් හඳුනා ගැනීමට ලැබේ. ආර්ථික වශයෙන් යහපත් වන අතර, අතේ මිටේ මුදල් ගැවසෙනු ඇත. බොහෝ කාලයකින් අමතක වී තිබූ පැරණි හිතවත්කමක් අද නැවත අලුත් වීමට කරුණු යෙදේ.
කන්යා
අනපේක්ෂිත ලාභ ප්රයෝජන හිමි විය හැකි දිනයකි. නෑදෑ හිතමිතුරන්ගෙන් උදව් උපකාර බලාපොරොත්තු විය හැක. කෙසේ වෙතත්, දවසේ යම් අවස්ථාවක ඔබ ඉතා ඕනෑකමින් බලාපොරොත්තු වූ දෙයක් බිඳ වැටීමට ඉඩ ඇති බැවින් ඕනෑම දෙයකට මධ්යස්ථව මුහුණ දීමට සූදානම් වන්න.
තුලා
අද දිනය වගකීම් බහුල එකක් වනු ඇත. රැකියාවේ හෝ නිවසේ වැඩ කටයුතු වෙනුවෙන් වැඩි කාලයක් යෙදවීමට සිදු වේ. නීතිමය ප්රශ්න හෝ පැටලිලි සහගත තත්ත්වයන්ගෙන් නිදහස් වීමට මග පෑදේ. වෙනදාට වඩා සැහැල්ලු මනසකින් යුතුව දවස ගෙවීමට අවස්ථාව ලැබේ.
වෘශ්චික
හදිසි ගනුදෙනු හෝ ආයෝජනවලට මග පෑදෙනු ඇත. ඔබ යන එන ඕනෑම ස්ථානයක කැපී පෙනෙන ස්වභාවයක් ගනී. කායික ශ්රමය වැය කර කරන රැකියා හෝ කර්මාන්තවල නිරත වන්නන්ට අද දිනය ඉතා වාසනාවන්ත වනු ඇත. දෑතේ මහන්සියෙන් කරන වැඩවලින් වැඩි ප්රතිලාභ ලැබේ.
ධනු
පැරණි මිතුරන් හෝ හිතවතුන් මුණගැසීමට අවස්ථාව ලැබේ. දුර බැහැර ගමනක් යෙදීමට ඉඩ ඇති අතර එය තරමක් වෙහෙසකාරී විය හැක. කලින් ගත් තීරණයක් අද දිනයේ වෙනස් කිරීමට සිදු වුවද, එය ඔබගේ අනාගත යහපතට හේතු වනු ඇත.
මකර
සිතේ සැනසිල්ල තරමක් අඩුවන දිනයකි. තමා වැඩියෙන්ම විශ්වාස කරන අයෙකුගෙන් එම විශ්වාසය පළුදු වන ආකාරයේ සිදුවීමක් විය හැක. මේ නිසා සිතේ නොසන්සුන් ගති ඇති විය හැකි බැවින්, අද දිනයේ තීරණ ගැනීමේදීත්, කතා කිරීමේදීත් කල්පනාකාරී වන්න.
කුම්භ
පවුලේ කටයුතුවලදී පෙරමුණ ගෙන ක්රියා කිරීමට ඔබට සිදු වේ. සමීපව ඇසුරු කළ හිතවතෙකු තාවකාලිකව දුරස් වීම නිසා සිතේ සුළු කණගාටුවක් ඇති විය හැක. මානසික පීඩනය වළක්වා ගැනීමට කලාව හෝ විනෝදාංශයක නිරත වීම යහපත්ය.
මීන
සිතේ තිබූ බලාපොරොත්තුවක් බිඳ වැටීම නිසා යම් අසහනකාරී බවක් ඇති විය හැක. එහෙත් ආගමික කටයුතුවල නිරත වීමෙන් සිතේ සන්සුන් බව ඇති කර ගැනීමට හැකි වේ. පවතින දේපළ සම්බන්ධ ගැටලුවක් නිරවුල් කර ගැනීමට අද දිනය සුබ වේ.