ලෝකයේ ප්රමුඛතම තාක්ෂණික සමාගමක ඉහළම වැටුපක් ලබන මෘදුකාංග ඉංජිනේරුවෙකු ලෙස, නවීන පන්නයේ නිවසක් සහ සියලු සැප සම්පත් මැද ජීවත් වූ අයෙකු ඒ සියල්ල එක මොහොතකින් අතහැර දමා හුදෙකලා මාවතක ඇවිද යන්නට තීරණය කරන්නේ ඇයි? මේ කියන්නට යන්නේ වියට්නාමයේ දුප්පත් පවුලක ඉපදී, පසුව ඇමරිකාවේ Motorola ආයතනයේ දක්ෂ ඉංජිනේරුවෙකු ලෙස කිරුළු පැළඳි, පසුව පූජ්ය පන්නාකර (Bhikkhu Pannakara) නමින් මහණ දම් පුරා ලොවම මවිත කළ උතුමෙකුගේ සංවේදී කතාවයි.
1997 වසරේදී ඇමරිකාවට සංක්රමණය වී තාක්ෂණික ලෝකයේ හිණිපෙත්තටම ගියද, මුදල් සහ යාන වාහන මත රැඳුණු ලෝකය තුළ සැබෑ සැනසීමක් නොමැති බව උන්වහන්සේ වටහා ගත්හ. ඒ අනුව 2007 වසරේදී තම ඉංජිනේරු වෘත්තියට සහ ලෞකික සම්පත්වලට සමුදුන් උන්වහන්සේ, තායිලන්තයේදී ථෙරවාදී භික්ෂුවක් ලෙස පැවිදි දිවියට ඇතුළත් වූහ. උන්වහන්සේ තෝරාගත්තේ ආරණ්යගතව වැඩ වසමින්, ඉතා සරල වත්පිළිවෙත් පුරන දුෂ්කර "ධුතාංග" ශීලයයි.
පන්නාකර හිමියන් මුළු ලෝකයේම අවධානය දිනාගත්තේ 'ආලෝක' (Aloka) නම් වූ තම සුරතල් සුනඛයා සමඟ පාවහන් රහිතව සැතපුම් දහස් ගණනක් පා ගමනින් වැඩම කළ සාම චාරිකාව නිසාය. ඉන්දියාවේ බුද්ධගයාවේ සිට හිමාලය දක්වාත්, ඇමරිකාවේ විවිධ ප්රාන්ත හරහාත් උන්වහන්සේ පිණ්ඩපාතයෙන් යැපෙමින් වැඩම කළේ තිරිසන් සතුන්ට පවා මෙත් වඩන මහා කරුණාවේ පණිවිඩය ලොවටම කියා දෙමිනි. 'ආලෝක' ද උන්වහන්සේගේ පසුපසින් යමින් මේ අධ්යාත්මික ගමනේ නිහඬ සහකරුවෙකු විය.
"සතුට යනු පිටතින් සොයාගත යුතු දෙයක් නොව, තමන්ගේම සිත දමනය කර ගැනීමෙන් ලබාගත යුතු දෙයක්" බව පන්නාකර හිමියන්ගේ ජීවිතය අපට පසක් කර දෙයි. ධනය, බලය සහ තාක්ෂණය පසුපස හඹා යන නූතන සමාජයක, සැබෑ නිදහස ඇත්තේ "අතහැරීම" තුළ බව උන්වහන්සේගේ කතාව අපට දෙන මහා ආදර්ශයයි. සැබෑ සැනසීම සොයන ඔබත් මේ අසිරිමත් කතාව තවත් කෙනෙකුට කියවන්න Share කරන්න අමතක කරන්න එපා.
