දශක ගණනාවක් පුරා ශ්රී ලාංකීය ටෙලිවිෂන් ප්රේක්ෂකයින් සිනහවෙන් පිනවූ ජනප්රිය ප්රහසන රංගන ශිල්පී සමන් අල්මේදා මහතා මේ වන විට රෝගාතුරව ශ්රී ජයවර්ධනපුර රෝහලේ ප්රතිකාර ලබමින් සිටින බව වාර්තා වේ.
විශේෂයෙන්ම 'යස් බොස්' (Yes Boss) ටෙලිනාට්යයේ ඔහු නිරූපණය කළ "පිංතු" ගේ චරිතය අදටත් කාගේත් මතකයේ රැඳී පවතින සදානුස්මරණීය චරිතයකි.
ඊට අමතරව 'සබඳ පබිලිස්' සහ 'සකිසඳ එලියස්' වැනි අතිශය ජනප්රිය නිර්මාණ හරහා ඔහු අපේ රටේ මිනිසුන්ගේ සිත් තුළ නොමැකෙන සිනහවක් තැබූ කලාකරුවෙකි.
රටේ ජනතාව කොතරම් ප්රශ්න සහ කරදර මැද සිටියත්, තිරය ඉදිරියට පැමිණ අපව මොහොතකට හෝ සිනහවෙන් සතුටු කළ මෙවැනි ආදරණීය මිනිසුන් මෙලෙස අසරණව රෝහල් ගතව සිටීම සැබවින්ම කනගාටුදායක පුවතකි.
ඔහු දැන් ශ්රී ජයවර්ධනපුර රෝහලේ 14 වන වාට්ටුවේ නේවාසිකව ප්රතිකාර ලබන බව සඳහන් වන අතර, ඔහුගේ සුවදුක් විමසීමට සහ ඔහු වෙනුවෙන් හැකි අයුරින් උපකාර කිරීමට මෙරට කලා හිතකාමී ජනතාවට මෙය අවස්ථාවකි.!