ඉරානය සමඟ පැවති යුද්ධය දැනටමත් ජයග්රහණය කර ඇති බවත්, එම රටේ හමුදාමය ශක්තිය සම්පූර්ණයෙන්ම විනාශ කර ඇති බවත් ඩොනල්ඩ් ට්රම්ප් පවසයි.
මාධ්ය සාකච්ඡාවකට එක්වෙමින් ඔහු අවධාරණය කළේ ඉරානය මේ වන විට හමුදාමය වශයෙන් "මියගිය" තත්ත්වයක පසුවන බවයි.
ඉරාන හමුදාව අඩපණ වීම ට්රම්ප් පෙන්වා දෙන්නේ ඉරානය සතුව මේ වන විට නාවික හමුදාවක් හෝ ගුවන් හමුදාවක් නොමැති බවයි. ඇමරිකානු ගුවන් යානා ඉරානයේ ටෙහෙරාන් නුවර සහ අනෙකුත් ප්රදේශ හරහා නිදහසේ පියාසර කරන බවත්, ඉරානයට එය වැළැක්වීමට කිසිදු හැකියාවක් නොමැති බවත් ඔහු ප්රකාශ කළේය.
"අපට අවශ්ය නම් ඔවුන්ගේ ඉතා ප්රබල විදුලි බලාගාරයක් වුවද විනාශ කළ හැකියි, ඔවුන්ට කළ හැකි කිසිවක් නැහැ," යනුවෙන් ඔහු වැඩිදුරටත් පැවසීය.
ඉරාන නාවික හමුදාව ඉතා කෙටි කලක් තුළ මුළුමනින්ම විනාශ කළ බවත් ඔහු මෙහිදී අනාවරණය කළේය.
මාධ්ය වෙත චෝදනා ප්රධාන පෙළේ මාධ්ය ආයතන වන New York Times, ABC සහ NBC වැනි ආයතන මෙය තවමත් "සමසම සටනක්" ලෙස පෙන්වීමට උත්සාහ කරන බවට ට්රම්ප් චෝදනා කළේය.
ඔහු මේවා "ව්යාජ පුවත්" (Fake News) ලෙස හඳුන්වමින් කියා සිටියේ, සත්ය තත්ත්වය නම් ඉරානය සම්පූර්ණයෙන්ම පරාජයට පත්ව ඇති බවයි.
න්යෂ්ටික තර්ජනය සහ B2 බෝම්බ ප්රහාරය ඉරානය න්යෂ්ටික අවියක් නිෂ්පාදනය කිරීමට සති දෙකක් තරම් ආසන්නව සිටි අවස්ථාවක, ඇමරිකානු B2 බෝම්බ හෙලන යානා යොදාගෙන ඔවුන්ගේ න්යෂ්ටික විභවය සම්පූර්ණයෙන්ම විනාශ කළ බව ට්රම්ප් හෙළි කළේය.
බැරක් ඔබාමා පාලන සමයේ ඇති කරගත් "භයානක" න්යෂ්ටික ගිවිසුම තමා අවලංගු නොකළේ නම්, ඉරානය මීට වසර කිහිපයකට පෙර න්යෂ්ටික අවි ලබාගෙන ඒවා මුළු මැදපෙරදිගටම සහ ඉරානයට එරෙහිව භාවිතා කරනු ඇති බව ඔහු පවසා සිටියේය.
සාම සාකච්ඡා සහ රාජ්ය තාන්ත්රික මැදිහත්වීම යුද්ධය අවසන් කිරීම සඳහා වන සාකච්ඡා සම්බන්ධයෙන් අදහස් දක්වමින් ඔහු කියා සිටියේ උප ජනාධිපති ජේ.ඩී , මාර්කෝ රුබියෝ , ජැරඩ් කුෂ්නර් සහ ස්ටීව් වයිට්කොෆ් ඇතුළු පිරිසක් ඉරානය සමඟ සාකච්ඡාවල නිරත වන බවයි.
"මිලියන සංඛ්යාත ජීවිත බේරා ගැනීම" වෙනුවෙන් තමාද මෙම සාකච්ඡාවලට සෘජුවම සම්බන්ධ වී සිටින බව ඔහු වැඩිදුරටත් පැවසීය.
යුක්රේන-රුසියානු අර්බුදය යුක්රේන-රුසියාව අර්බුදය පිළිබඳ අදහස් දක්වමින් ට්රම්ප් පැවසුවේ ජනාධිපති පුටින් සහ ජනාධිපති සෙලෙන්ස්කි එකඟතාවයකට පැමිණෙනු දැකීමට තමා කැමති බවයි.
කෙසේ වෙතත්, එම නායකයින් දෙදෙනා අතර ඇති දැඩි වෛරය ගනුදෙනු කිරීමට බාධාවක් වී ඇති බව ඔහු සඳහන් කළේය.
තමා මීට පෙර මෙවැනි යුද්ධ අටක් සාර්ථකව සමථයකට පත් කර ඇති බවද ඔහු මෙහිදී සිහිපත් කළේය