යාපනය විශ්වවිද්යාලයේ ජ්යෙෂ්ඨ කථිකාචාර්යවරියකට පහර දී ඝාතනය කිරීමේ සිද්ධියක් සම්බන්ධයෙන් ඇයගේ 21 හැවිරිදි බෑනා සහ 19 හැවිරිදි දියණිය ත්රිකුණාමලය ප්රදේශයේදී පොලිස් අත්අඩංගුවට පත්ව තිබේ.
මියගිය කථිකාචාර්යවරිය සහ දියණිය පැහැරගෙන ගොස් ඇති බවට ඇයගේ පුත්රයා විසින් යාපනය පොලිසියට කළ පැමිණිල්ලකට අනුව ක්රියාත්මක වූ විමර්ශනවලදී මෙම අවාසනාවන්ත අපරාධය හෙළිවී ඇත. සැකකාර බෑනා විසින් සිදු කළ පහරදීමකින් ඇය මියගොස් ඇති බවත්, ඉන්පසුව ඇගේ සිරුර යාපනය ප්රදේශයේම දමා ගොස් ඇති බවත් සැකකරුගෙන් සිදුකළ ප්රශ්න කිරීම් හමුවේ අනාවරණය වී තිබේ.
මෙම අපරාධයෙන් පසු සැකකාර යුවළ පළා යන අතරතුර පරන්තන් ප්රදේශයේ ස්වයංක්රීය ටෙලර් යන්ත්රයකින් (ATM) මුදල් ලබාගෙන ඇති අතර, පසුව ඔවුන් ත්රිකුණාමලය ප්රදේශයේ පිරවුම්හලකින් ඉන්ධන ද ලබාගෙන ඇත.
නීතියේ රැහැනින් මිදී පලායාමට උත්සාහ කළද, ඉන්ධන ලබාගැනීම සඳහා භාවිත කළ ජාතික ඉන්ධන අවසරපත්රයේ QR කේතය සහ එම ස්ථානයේ වූ සී.සී.ටී.වී (CCTV) දර්ශන ඔස්සේ සිදු කළ සූක්ෂම පොලිස් විමර්ශනයේ ප්රතිඵලයක් ලෙස සැකකරුවන් නිරුපද්රිතව අත්අඩංගුවට ගැනීමට පොලිසියට හැකි වී තිබේ.