එක්සත් අරාබි එමීර් රාජ්යයේ සාජා සිට පාකිස්තානයේ කරච්චි වරාය බලා යාත්රා කරමින් තිබූ 'සෙලන්' නම් බහාලුම් නෞකාවක්, හෝමූස් සමුද්ර සන්ධියේදී ඉරාන ඉස්ලාමීය විප්ලවවාදී ආරක්ෂක බළකාය (IRGC) විසින් ආපසු හරවා යවා තිබේ.
පූර්ව සංක්රමණ අවසරයකින් තොරව සිය ජල තීරය හරහා ගමන් කිරීමට උත්සාහ කිරීම හේතුවෙන්, නීති උල්ලංඝනය කිරීමේ චෝදනාව මත ඉරාන හමුදාව මෙම දැඩි පියවර ගෙන ඇත.
මෙම සිදුවීම සම්බන්ධයෙන් 'X' සමාජ මාධ්යයේ සටහනක් තබමින් IRGC නාවික හමුදාපති අලිරේසා ටැංසිරි අවධාරණය කළේ, මෙම උපායමාර්ගික ජල මාර්ගය හරහා ගමන් ගන්නා ඕනෑම යාත්රාවක් ඉරාන සමුද්රීය අධිකාරිය සමග පූර්ණ සම්බන්ධීකරණයක් පවත්වා ගත යුතු බවයි.
'සතුරු නොවන' යාත්රාවලට බලධාරීන් සමග සාකච්ඡා කිරීමෙන් (ඇතැම්විට අදාළ ගෙවීම් කිරීමෙන් අනතුරුව) ගමන් අවසරය ලබාගත හැකි වුවද, ඉරානයේ සතුරන් සමග සබඳතා පවත්වන කිසිදු යාත්රාවකට හෝමූස් ජල තීරය තරණය කිරීම මුළුමනින්ම තහනම් බව ඔහු වැඩිදුරටත් පෙන්වා දී ඇත.