මතකද ඒ සුන්දර හිනහව..? හරියට නිකන් වසන්ත කාලෙක පිපුණු මලක් වගේ. දහස් ගණන් තරු අතරේ තනි තරුවක් වෙලා පායපු, මුළු රටක්ම තමන්ගේ රූපයෙන් විතරක් නෙවෙයි, රංගනයෙනුත් වශී කරපු ඇය.. රමණී බර්තෝලමියුස්.
ඔයාලට මතකද අජූ තපර ලාහිලා ගීතය, මේ ගීතයට එකතු කරපු ඇයගේ රංගනය ගොඩක් අලංකාරයි තවමත් ඒ ගීතය ඇහෙද්දී අපිට දැනෙන්නේ අමුතුම ලෙන්ගතුකමක්. ඒත් ඒ ලෙන්ගතුකම ඇතුළේ ලොකු වේදනාවකුත් හැංගිලා තියෙනවා ඒ තමයි ඇය අපෙන් සමුගත්ත විදිය. අද අපි කතා කරමු, කාලය විසින් මකා දැමිය නොහැකි ඒ රුවැත්තියගේ මතකාවර්ජනය ගැන.
✨ 1966 සැප්තැම්බර් 1 වෙනිදා ඉපදුණු රමණී, කලාවට උරුමකම් කිව්වේ උපතින්මයි ඇගේ පියා ප්රවීණ රංගන ශේල්පී ලෙස්ලි බර්තෝලමියුස් ඉතින් රංගනය කියන දේ රමණීගේ ලේ වලම තිබුණා. හැබැයි ඇය මුලින්ම මුළු රටම දැනගත්තේ රංගනයෙන් නෙවෙයි, 1985 අවුරුද්දේ ශ්රී ලංකා රූ රැජිණ විදියට කිරුළු පැලඳීමත් එක්ක
ඒ රූපය කොච්චර සුන්දරයිද කියනවා නම්, එදා මියාමි වල තිබුණු විශ්ව රූ රැජිණ තරගාවලියේදීත් ඇය ලංකාවේ නම ලෝකෙටම අරන් ගියා.
🎬රූ රැජිණක් වුණාට පස්සේ ඇය රංගනයට පිවිසෙන්නේ හරිම අහම්බෙන් වගේ. ධර්මසේන පතිරාජයන්ගේ සොල්දාදු උන්නැහේ චිත්රපටයෙන් රිදී තිරයට ආවත්, ඇයව ගෙයක් ගානේ ජනප්රිය කළේ පුංචි තිරය විශේෂයෙන්ම භාග්ය ටෙලි නාට්යයේ ඇය රඟපෑව චරිතය අදටත් මිනිස්සුන්ට අමතක නැහැ. එම නාට්යයේ අයගේ පෙම්වතාගේ චරිතට පන පෙව්වේ ජනප්රිය රංගන ශිල්පියෙක් වන රන්ජන් රාමනායක,
රමණි රඟපෑවේ නැහැ, ඇය ඒ චරිතය ජීවත් කළා... ඇස් දෙකෙන් කතා කරන්න පුළුවන් දුර්ලභ හැකියාවක් රමණීට තිබුණා...
ඒ කාලේ හැම තරුණියක්ම රමණී වගේ වෙන්න හැදුවා... ඇය ඇන්ද ඇඳුම්, ඇගේ කොණ්ඩ මෝස්තර පවා එකල තරුණ පරපුරේ ට්රෙන්ඩ් එක වුණා.
💔 ජනප්රියත්වයේ උඩින්ම ඉද්දී හිතාගන්න බැරි විදියට, ඉතාම කෙටි කාලයකින් ඇය අපෙන් සමුගත්තා. 1987 ජුනි 30 වෙනිදා මුළු රටම කම්පනයට පත් කරපු ඒ පුවත ඇහුණා. හදිස්සි රිය අනතුරකින් රමණී බරපතළ තුවාල ලැබුවා.
දවස් හතරක් මරණයත් එක්ක සටන් කරලා, 1987 ජූලි 3 වෙනිදා ඇය සදහටම ඇස් පියාගත්තේ දහස් ගණන් රසිකයන්ගේ හදවත් වල ලොකු හිස්තැනක් ඉතිරි කරලා. මිය යන විට ඇගේ වයස අවුරුදු 20ක් විතරයි.
🕊️ අද කාලේ වගේ සෝෂල් මීඩියා නැති, තාක්ෂණය දියුණු නැති කාලෙක රමණී ලබපු ජනප්රියත්වය අදටත් පුදුම සහගතයි. ඇය රූපයෙන් වගේම ගුණයෙනුත් හරිම නිහතමානී කෙනෙක් කියලා ඇයව ආශ්රය කරපු ප්රවීණ ශිල්පීන් අදටත් කියනවා.
"ඇය හරියට හීනයක් වගේ ඇවිත් හීනයක් වගේම නොපෙනී ගියා..."
අදටත් කවුරුහරි ලස්සන කෙල්ලෙක් දැක්කම "රමණී බර්තෝලමියුස් වගේ" කියලා කියන්නේ ඒ රූපය මිනිස්සුන්ගේ හදවත් වල ඒ තරමටම තැන්පත් වෙලා තියෙන නිසයි.
🕯️රමණී බර්තෝලමියුස් කියන්නේ ලාංකීය කලා ඉතිහාසයේ එක්තරා යුගයක සලකුණක්. කෙටි කලකින් ආවත්, ඇය ඉතිරි කරලා ගිය මතකය අවුරුදු 30කට වඩා වැඩි කාලයක් පවතින්නේ ඒ හින්දයි. ඇය අද හිටියනම් ලංකාවේ නිලි රැජින වෙන්නේ ඇයයි....
ඔබත් රමණීට ආදරය කරන, ඇගේ රංගනයට ප්රිය කරන කෙනෙක් නම්, ඇය ගැන ඔබට තියෙන මතකය පහලින් කමෙන්ට් කරන්න.