දෙවන ලෝක යුද්ධ සමයේ සිට ධවල මන්දිරයේ නැගෙනහිර අංශයට (East Wing) පහළින් පිහිටි ඓතිහාසික රහසිගත 'ජනාධිපති හදිසි මෙහෙයුම් මධ්යස්ථානය' (PEOC) හෙවත් සුප්රකට බංකරය සම්පූර්ණයෙන්ම කඩා ඉවත් කර ඇති බව වාර්තා වේ. ජනාධිපති ඩොනල්ඩ් ට්රම්ප් විසින් ධවල මන්දිර සංකීර්ණය තුළ ඉදිකිරීමට නියමිත වර්ග අඩි 90,000ක දැවැන්ත නව උත්සව ශාලාව (State Ballroom) සඳහා ඉඩ ලබාගැනීම වෙනුවෙන් මෙම පියවර ගෙන ඇත.
වසර 80ක ඉතිහාසයක් නිමාවට 1941 වසරේ පර්ල් වරායට එල්ල වූ ප්රහාරයෙන් පසු ෆ්රෑන්ක්ලින් ඩී. රූස්වෙල්ට් ජනාධිපතිවරයාගේ ආරක්ෂාව වෙනුවෙන් මෙම බංකරය ඉදිකරන ලදී. 2001 සැප්තැම්බර් 11 ප්රහාරය අවස්ථාවේදී එවකට උප ජනාධිපති ඩික් චෙනී මෙහි ආරක්ෂාව ලබාගත් අතර, 2020 වසරේ පැවති ජනතා විරෝධතා මධ්යයේ ඩොනල්ඩ් ට්රම්ප් ද මෙහි රැකවරණය ලබා ගත්තේය.
රහසිගත ප්රතිසංස්කරණ සහ ආරක්ෂක ගැටලු නවතම වාර්තාවලට අනුව, පැරණි බංකරය කඩා දමා ඇති අතර ඒ වෙනුවට නවීන තර්ජනවලට මුහුණ දිය හැකි අතිනවීන තාක්ෂණයෙන් යුත් රහසිගත ආරක්ෂිත මධ්යස්ථානයක් ඉදිකිරීමට සැලසුම් කර ඇත. මෙම ව්යාපෘතිය කෙතරම් රහසිගතද යත්, සාමාන්යයෙන් මෙවැනි ඉදිකිරීම් සඳහා අවශ්ය වන 'ජාතික අගනුවර සැලසුම් කොමිසමේ' (NCPC) අනුමැතිය පවා ලබා ගැනීමට පෙර එහි කටයුතු ආරම්භ කර තිබේ.
ධවල මන්දිර කළමනාකරණ අධ්යක්ෂ ජෝෂුවා ෆිෂර් ප්රකාශ කර ඇත්තේ, මෙම ව්යාපෘතියේ ඇතැම් කොටස් "ඉහළම රහසිගත" (Top-Secret) ස්වභාවයක් ගන්නා බැවින් ඒවා ප්රසිද්ධ කළ නොහැකි බවයි.
බදු ගෙවන්නන්ගේ මුදල් සහ පෞද්ගලික පරිත්යාග ජනාධිපති ට්රම්ප් පවසා ඇත්තේ ඩොලර් මිලියන 400ක් පමණ වැය වන නව උත්සව ශාලාව ඉදිකිරීම ඔහුගේ මිතුරන් සහ පෞද්ගලික පරිත්යාගශීලීන්ගේ මුදලින් සිදුවන බවයි. එහෙත්, පොළොව යට ඉදිවන මෙම අධි-ආරක්ෂිත බංකරය සහ ආරක්ෂක පද්ධති සඳහා වැය වන අතිවිශාල මුදල ඇමරිකානු බදු ගෙවන්නන් විසින් දරනු ඇත.
මෙම ඉදිකිරීම් කටයුතු හේතුවෙන් ධවල මන්දිරයේ සංචාරක කටයුතු ද තාවකාලිකව සීමා කර ඇති අතර, ව්යාපෘතිය 2029 වසරට පෙර නිම කිරීමට අපේක්ෂිතය.